Á morgun, þriðjudaginn 6.desember , verður hinn árlegi, sameiginlegi aðventufundur aðaldeilda KFUM og KFUK haldinn í húsi félagsins á Holtavegi 28, Reykjavík.
Aldarminning Sigurbjörns Einarssonar biskups verður heiðruð á fundinum, en á þessu ári eru 100 ár liðin frá fæðingu hans.
Sr. Karl Sigurbjörnsson biskup flytur jóla – og aðventuhugvekju, og Rannveig Sigurbjörnsdóttir rifjar upp minningarbrot um föður sinn í tilefni þessara tímamóta. Yfirskrift fundarins er: „Trúin er að treysta“.
Karlakór KFUM og KFUK syngur undir stjórn Laufeyjar G. Geirlaugsdóttur, Kristín Möller hefur orð og bæn í upphafi, og Þórdís Klara Ágústsdóttir stjórnar fundinum.
Kaffi og glæsilegar kaffiveitingar verða á boðstólnum, og jólastemmning verður ríkjandi.
Allir eru hjartanlega velkomnir og hvattir til að eiga góða og hátíðlega aðventukvöldstund í góðum félagsskap við þetta tækifæri.
