1. flokkur á Hólavatni

Í gær, miðvikudag, fór frumkvöðlaflokkur á Hólavatn í yndislegu veðri. Krakkarnir eru 7 og 8 ára og eru öll að fara í fyrsta sinn í sumarbúðir og gista aðeins tvær nætur. Dagskrá fyrsta dags gekk frábærlega og var buslað í fjörunni, farið í bátsferðir, útileiki og margt fleira. Eftir velheppnaða og skemmtilega kvöldvöku og kvöldhressingu fóru allir að sofa og gekk það vel og voru krakkarnir duglegir að sofna fjarri pabba eða mömmu. Í morgun var spennan svo mikil að allir voru komnir á fætur löngu áður en til stóð og morgunmatur var því um klukkan átta, eða klukkutíma á undan áætlun. Nokkrar myndir frá fyrsta degi eru komnar hér á vefinn en fleiri myndir verða birtar á morgun.