3. Flokkur í Kaldárseli

Stelpurnar í 3. flokki hafa farið einkar vel af stað í drullukökugerð, svona fyrsta daginn. Enda ekki annað hægt þar sem veðrið bauð uppá slíkt, það skiptust á skin og skúrir. Við fórum svo í leiki í gömlu réttinni við Selið, þar sem starfsmenn léku bændur og rifust um stelpurnar/kindurnar. Stoppdans við lögin úr kvikmyndinni hairspray klikkaði ekki, né heldur dimmalimm eða eitur í flösku. Það er ekki hægt að segja annað en að stemningin sé góð og stelpurnar séu þreyttar (eða vonandi; sofnaðar) eftir skemmtilegan dag.
Hér fyrir neðan er slóð að myndum frá Kaldárseli.