Fimmtudaginn 26. apríl verður farið í árlega Vorferð AD KFUM. Að þessu sinni er ferðinni heitið til Grindavíkur. Brottför verður með rútu frá Holtavegi kl. 18:00 fimmtudaginn 26. apríl.
Ekið verður eftir Suðurstrandarvegi, framhjá Kleifarvatni. Kvöldverður verður snæddur á veitingahúsinu Salthúsinu í Grindavík. Matseðill kvöldsins er: Lambalæri með smjörsteiktum kartöflum, grænmeti og sveppasósu.
Þá verður Kvikan – Auðlinda – og menningarhús í Grindavík skoðað. Ferðin endar svo með heimsókn í Grindavíkurkirkju, þar sem séra Elínborg Gísladóttir tekur á móti hópnum og kynnir starfssemina.
Heimkoma er áætluð um kl. 23:00, á Holtaveg 28.
Verð í ferðina er kr. 4.000 (matur og rútuferðir innifaldar).
Skráning í ferðina fer fram í síma 588-8899 og á netfanginu skrifstofa@kfum.is .
Allir karlmenn eru hjartanlega velkomnir og hvattir til að enda frábæran vetur í AD KFUM með skemmtilegri kvöldstund í Vorferð.
